Verð per einstakling í tveggja manna herbergi | 196.724 kr.

Verð fyrir eins manns herbergi | 234.974 kr.

Verð per einstakling í tveggja manna herbergi | 203.354 kr.

Verð fyrir eins manns herbergi | 253.334 kr.

Verð per einstakling í tveggja manna herbergi | 210.494 kr.

Verð fyrir eins manns herbergi | 266.594 kr

Staðfestingargjald fyrir hvern farþega eru krónur 50.000 kr. eða samtals 100.000 kr. fyrir hjón/par.

Greiðsluseðlar vegna staðfestingargjalds verða sendir út síðar.

Flug ásamt öllum sköttum og gjöldum í beinu flugi frá Akureyri eða Keflavík til Edinborgar og heim aftur.

Rúta til og frá flugvelli ytra.

Gisting í þrjár nætur á Mount Royal Hotel Edinburgh 4★ ásamt morgunverði.

Aðgangur að Frímúrarahúsinu í Edinborg ásamt rútuakstri frá hóteli að húsinu. [formleg staðfesting á heimild til heimsóknar er í vinnslu]

Frímúrarafundurinn með léttum veitingum [utan aksturs og samskots].

Skoðunarferð með akstri um borgina.

Skoðunarferð til Rosslyn kapellunnar ásamt léttum veitingum í stúkuhúsinu í Rosslyn.

Rútuakstur og samskot á fundi.

Galakvöld bræðra og systra.

Systrakvöldverður.

Eftir að ferð hefur verið bókuð er sendur greiðsluseðill í heimabanka fyrir staðfestingargjaldi ferðar. Hægt er að greiða ferð að fullu með staðfestingargjaldi, einn greiðsluseðill er þá sendur í heimabanka þess sem bókar ferðina fyrir heildarverði ferðar.

Greiðsludreifing stendur þeim til boða sem vilja nýta sér hana. Boðið er upp á vaxtalaus lán sem hægt er að dreifa niður á allt frá 2-6 gjalddaga auk þess sem bræðrum stendur til boða að nýta sér hefðbundna raðgreiðsludreifingu með allt að 36 mánaðarlegum afborgunum.

Kostnaður við greiðsludreifingu er breytilegur eftir því hvaða útfærsla á greiðsludreifingu er valin. Staðfestingargjaldið sem innt er af hendi við skráningu í ferð kemur til frádráttar upphæðar sem fer í greiðsludreifingu. Athugið að ekki er hægt að skipta staðfestingargjaldi.

Þeir sem hafa hug á að nýta sér þessa þjónustu eru beðnir um að senda tölvupóst með öllum nauðsynlegum upplýsingum.

Netfang | braedraferdir@atlantistravel.is

Við hefjum ferð okkar með leiguflugi sem byrjar í Keflavík fyrir þá bræður og systur sem búa syðra. Flugnúmer verða birt síðar .

Brottför frá Keflavík er klukkan 09:15 og komið til Akureyrar um 10:10.

Brottför frá Akureyri er svo klukkan 11:00 og áætluð lending úti í Edinborg um klukkan 14:15.

Við komu ytra bíða okkur rútur sem keyra okkur á hótelið okkar.

Eftir að farþegar hafa innritað sig á herbergi og komið aftur niður í anddyri verður hópnum skipt í tvennt og þá fer fyrri hópurinn í skoðunarferð um borgina og þaðan ekið til Rosslyn kapellu sem er einstök kirkja með sögulega og mikla tengingu í okkur. Þar fáum við frímúrara sem fer með okkur um kirkjuna og segir okkur hennar sögu og með hvaða hætti hún tengist sögu frímúrara. Eftir skoðun þar er farið í stúkuhúsið hjá frímúrarastúkunni í Rosslyn þar sem við fáum léttar veitingar áður en ekið er aftur á hótelið.

Seinni hópurinn leggur af stað á sama tíma og sá fyrri en byrjar sitt prógram í Rosslyn kapellu og klárar með skoðunarferðinni um borgina áður en haldið er á hótelið.

ATH. Ferðanefndin getur þurft að færa til skoðunarferðir vegna fjölda, endanlegs komutíma til Edinborgar og flr. en nákvæm tímasetning og fyrirkomulag ásamt verði verður sent út til allra sem skrá sig í ferðina síðar.

Í dag gefst þeim bræðrum og systrum sem það kjósa kostur á að fara í skoðunarferð um frímúrarahúsið í Edinborg og er þá lagt af stað klukkan 10:00 frá hótelinu og áætlað að skoðunarferðin taki í það heila um 2 klst. Farþegar sem fara í þessa ferð sjá sjálfir um að koma sér tilbaka á hótel en geta nýtt tækifærið og rölt aðeins um borgina áður en haldið er aftur heim á hótelið. Ferðanefndin á eftir að fá formlega staðfestingu á tímasetningu hjá frímúrarahúsinu ytra og lætur vita gerist þess þörf.

Klukkan 18:00 eiga bræður og systur að vera klár í anddyri hótelsins en þá hefjum við okkar prógram fyrir Gala kvöldið okkar.

Bræður klæði sig í kjólföt en séu í hvítu veisluvesti. Bræður eru minntir á að ekki skal bera nein einkenni, stigsmerki eða annað á þessu kvöldi. Systur klæðist ef mögulegt í kjól en ekki er gerð krafa um síðkjóla.

(Gala) Veislukvöldið verður haldið á völdum stað ( upplýsingar og verð birt síðar ) og er ekið þangað í rútu. 

Fordykkur við komu á veislustað.

Vegleg dagskrá með þríréttaðri máltíð ásamt 1/2 drykkjarpakka en umfram drykki er hægt að kaupa sérstaklega og greiða með korti.

Áætluð dagskrárlok eru klukkan 23:30.

Frjáls dagur fram til klukkan 16:30 en þá eiga bræður að vera klárir í anddyri hótelsins til að fara af stað á frímúrarafund.

Frímúrarafundurinn er  á 1°gráðu í stúkunni Lodge Coupar o' Fife 19 sem er í sirka 1,15 klst akstri frá hótelinu. Bræður klæðist líkt og á fyrstu gráðu fundi heima þ.m.t hattur og hanskar en sverð eru ekki leyfð með í fluginu út og stefnt að því að stúkan ytra leggi þau til ef hægt er. Standandi léttar veitingar í stað hefðbundinnar bróðurmáltíðar sem skoska stúkan býður upp á. Í samskoti til hinna bágstöddu gefur hver og einn eftir efni og aðstæðum. Við borðhald selur stúkan, skv hefð, lotterí miða en tekjur af því fara í viðhalds og framkvæmdarsjóð stúkunnar og kostar hver miði 1£ pund og almennt að brr. kaupi þá 5, 10, 15 eða flr miða. Bar verður við máltíð og bæði hægt að greiða þar með reiðufé eða korti. Gosdrykkir kosta um 1,5£ pund, bjór 3 - 3,5£ pund og sterkir drykkir svipað. Ferðanefndin hvetur brr. til þess að hafa með sér um 40£ - 50£ bresk pund til að eiga gott kvöld með allri þátttöku.

Áætlaður komutími tilbaka af fundi á hótel er klukkan ~23:45.

Kvöldverður systra

Meðan bræður sækja fund og eiga stundir með okkar bræðrum í Skotlandi verður kvöldverður fyrir systur sem verið er að skipuleggja og upplýsingar vegna þess bætt við í þessa ferðalýsingu þegar fram í sækir. 

Frjáls dagur fyrri part en farþegar þurfa að skila inn lyklum og ganga frá herbergjum fyrir klukkan 11:00 nema gestir hafi samið um annað við afgreiðslu hótelsins - athugið að hótelið tekur sérstaklega gjald fyrir það. Eftir að herbergi hefur verið skilað er hægt að setja töskur í viðeigandi geymslu sem hótel afgreiðslan sér um. Áætluð brottför frá hóteli á flugvöll er klukkan 17:00.

Brottför frá Edinborg til Akureyrar er klukkan 19:30 og áætluð lending þar klukkan 20:45.

Brottför frá Akureyri til Keflavíkur er svo klukkan 21:35 og áætlað að farþegar lendi í Keflavík klukkan 22:30.

Vinsamlegast athugið að allir uppgefnir tímar eru birtir með fyrirvara og verður áætlunin uppfærð eftir því sem nær dregur.