Verð fyrir Standard einstaklingsherbergi | 216.570 kr.

Verð per gest í tveggja manna Standard Double herbergi | 198.347 kr.

Verð per gest í tveggja manna Standard Twin herbergi | 198.347 kr.

Verð per gest í tveggja manna Executive Double herbergi | 212.197 kr.

Twin = Tvö Rúm | Double = Tvíbreitt Rúm | Athugið að uppgefin verð eru per mann.

Verð fyrir Standard einstaklingsherbergi | 144.887 kr.

Verð per gest í tveggja manna Standard Double herbergi | 123.310 kr.

Verð per gest í tveggja manna Standard Twin herbergi | 123.310 kr.

Twin = Tvö Rúm | Double = Tvíbreitt Rúm | Athugið að uppgefin verð eru per mann.

Staðfestingargjald fyrir hvern farþega eru krónur 50.000 kr. eða samtals 100.000 kr. fyrir hjón/par.

Greiðsluseðlar vegna staðfestingargjalds verða sendir út síðar.

Innifalið í Ferðapakka 1

Flug ásamt öllum sköttum og gjöldum í beinu flugi frá Keflavík til Kaupmannahafnar og heim aftur.

Rúta til og frá flugvelli ytra.

Innifalið í öllum Ferðapökkum

Gisting í Kaupmannahöfn á Phoenix Hotel 4★ í valdri herbergjagerð ásamt morgunverði.

Akstur á frímúrarafundinn fram og tilbaka.

Galakvöld án drykkja með akstri fram og tilbaka.

Íslensk fararstjórn.

Bróðurmáltíð og samskot á fundi.

Galakvöld bræðra og systra.

Systrakvöldverður.

Skoðunarferðir.

Eftir að ferð hefur verið bókuð er sendur greiðsluseðill í heimabanka fyrir staðfestingargjaldi ferðar. Hægt er að greiða ferð að fullu með staðfestingargjaldi, einn greiðsluseðill er þá sendur í heimabanka þess sem bókar ferðina fyrir heildarverði ferðar.

Greiðsludreifing stendur þeim til boða sem vilja nýta sér hana. Boðið er upp á vaxtalaus lán sem hægt er að dreifa niður á allt frá 2-6 gjalddaga auk þess sem bræðrum stendur til boða að nýta sér hefðbundna raðgreiðsludreifingu með allt að 36 mánaðarlegum afborgunum.

Kostnaður við greiðsludreifingu er breytilegur eftir því hvaða útfærsla á greiðsludreifingu er valin. Staðfestingargjaldið sem innt er af hendi við skráningu í ferð kemur til frádráttar upphæðar sem fer í greiðsludreifingu. Athugið að ekki er hægt að skipta staðfestingargjaldi.

Þeir sem hafa hug á að nýta sér þessa þjónustu eru beðnir um að senda tölvupóst með öllum nauðsynlegum upplýsingum.

Netfang | braedraferdir@atlantistravel.is

Ferðin hefst á flugi frá Keflavík til Kaupmannahafnar með Icelandair flugi FI-204 klukkan 07:35 og áætluð lending ytra klukkan 11:45 á staðartíma.

Athugið - Vinsamlegast gætið þess að mæta tímanlega í innritun fyrir flugið.

Eftir að hópurinn hefur náð í farangur sinn verðum við sótt af rútum frá VIKINGBUS og keyrð á hótelið okkar Phoenix Copenhagen. Hér er á ferðinni sannkallað lúxus hótel í hjarta borgarinnar.  Símanúmer móttöku hótelsins er +45 3395 9500. Hægt er að finna frekari upplýsingar um hótelið neðar á síðunni.

Heimsókn í Frímúrarahúsið sjálft (Stamhuset) og eru allir beðnir um að koma niður í lobbý á hóteli ekki seinna en klukkan 09:15 en áætlað er að hópurinn mæti í húsið klukkan 09:50 þar sem tekið verður á móti okkur af Bjarne Shubert leiðsögumanni og bróður og við fáum að sjá margt og merkilegt. Eftir að skoðunarferðinni lýkur fær hópurinn ljúfar og léttar veitingar áður en hver og einn heldur af stað á eigin vegum úr húsi heim á leið.

Þátttökuskráning verður gerð sérstaklega rafrænt síðar meir og er kostnaður per þátttakenda 3.200 kr.

Frímúrarafundur er um kvöldið og hefst hann stundvíslega klukkan 18:00 en Fjölnisbræður taka þá þátt í fundi á 1. gráðu hjá St.Jóh.Stúkunni Absalon. Rútan með alla bræður fer frá hótelinu klukkan 16:00 sirka. 

Bræður minntir á að taka með sér öll viðeigandi einkenni í ferðina en þurfa ekki að hafa með sér sverð þar sem stúkan ytra mun leggja þau til.

Bræður athugi að gera þarf ráð fyrir 10 - 20 dönskum krónum í söfnun á meðan fundi stendur sem greitt er með seðlum. Bróðurmáltíðin verður þriggja rétta máltíð og er innifalið í gjaldi eitt glas af víni eða einn bjór eða gosdrykkur. Bróðurmáltíðin kostar 4.000 kr. og er greidd með greiðsluseðli í heimabanka.

Bróðir Frank Ivanhoe Nielsen, Siðameistari St.Jóh.stúkunnar Absalon tekur þar á móti bræðrum.

Sérkvöld Systra

Meðan bræður funda hefur verið skipulagður kvöldverður á veitingastaðnum Hugo Brasserie sem er á hótelinu sjálfu fyrir systur. Þær systur sem geta ekki borðað eitthvað af neðangreindu vegna ofnæmis eða óþols þurfa að láta Egil Örn eða ferðanefnd vita tímanlega með tölvupósti og verða þá gerðar ráðstafanir til þess að breyta fyrir þær. Kvöldverðurinn hefst klukkan 20:00. Kostnaður per systur er krónur 11.912 kr. Drykkir greiðast aukalega.

Forréttur | Carpaccio dio manzo (þunnar sneiðar af úrvals nautakjöti með salati og parmesan osti)

Aðalréttur | Medaglioni di vitello al tartufo (kálfakjöt í ríkri trufflu sósu auk kartöflum og grænmeti)

Eftirréttur | Tiramisú

Frjáls dagur í dag fram að þeim tímapunkti að við förum frá hótelinu okkar klukkan 19:00 í rútu aftur niður í Stamhuset þar sem við eigum okkar Gala kvöld saman.

Klæðnaður er kjólföt og HVÍTT veisluvesti fyrir bræður og þess óskað að systur nýti tækifærið og klæðist kjólum. Bræðrum er heimilt að bera heiðursmerki, stúkumerki og starfsaldursmerki þar sem kvöldverðurinn er í húsi Reglunnar í Danmörku.

Fordrykkur við komu.

Forréttur | Humar með hvítlaukssósu (aioli) og smjörsteiktu súrdeigsbrauði.

Aðalréttur | Nautalund með ristuðum sveppum og piparsósu. Kartöflu smælki með timijan. Grænar baunir með kapers vinaigrette

Eftirréttur | Súkkulaðimús með karamellusósu, þeyttum rjóma og ferskum berjum

Tónlistaratriði, happdrætti, ávarp og flr. Þjónustað verður á hvert borð. 

Hægt er að kaupa drykki á staðnum sem eru skráðir á þjónustukort með nafni matargests sem síðan er gert upp í lok kvölds við starfsfólk. Eru þá afgreiddir drykkir skráðir á hvern og einn þegar þeir eru afgreiddir á borð.

Gert er ráð fyrir því að kvöld dagskráin endi sirka um miðnættið og þá aftur keyrt heim á hótel. 

Athugið - Ef um að ræða ofnæmi eða óþol fyrir einhverju sem er á matseðli kvöldsins þá vinsamlegast látið vita með tölvupósti á netfangið braedraferdir@atlantistravel.is

Þetta er okkar síðasti dagur. Farþegar minntir á að skila inn herbergislyklum og gera upp sinn kostnað tímanlega og koma töskum og öðru í geymslu hjá hótelinu.

Farþegum verður skipt upp í tvo hópa sem fara í gönguferð um slóðir Íslendinga í hjarta Kaupmannahafnar og fer fyrri hópurinn af stað klukkan 12:00 og sá síðari klukkan 13:00. Ferðin hefst á Ráðhústorgi og endar við Jónshús sirka tveimur klst. síðar þar sem tekið verður á móti farþegum með drykk og kynningu. Þátttakendur komi sér sjálfir tímanlega á torgið og veiti ég frekari upplýsingar um þetta þegar út er komið.

Kostnaður per mann er 2.990 kr. sem greitt er með kröfu í heimabanka.

Flogið heim til Íslands með Icelandair FI-217 frá Kastrup. Brottför frá hótelinu sirka klukkan 18:15 og allir hvattir til að vera tímanlega í anddyri hótelsins. Brottför heimflugsins er skráð klukkan 21:40 og áætluð koma hér heima í Keflavík er klukkan 23:55.