Malta - Hótelið okkar
Grand Hotel Excelsior er glæsilegt fimm stjörnu hótel á Möltu í höfuðborginni Valletta. Í Valletta, sem er á heimsminjaskrá UNESCO, má sjá gríðarlegt magn af tilkomumiklum barokk-ariktektúr og snotrum kaffihúsum og fleiri en 25 kirkjum sem bera vitni um aldagamla trúfestu Maltverja, sem eru nánast allir kaþólikkar.
Malta - Hótelið okkar
Grand Hotel Excelsior er glæsilegt fimm stjörnu hótel á Möltu í höfuðborginni Valletta. Í Valletta, sem er á heimsminjaskrá UNESCO, má sjá gríðarlegt magn af tilkomumiklum barokk-ariktektúr og snotrum kaffihúsum og fleiri en 25 kirkjum sem bera vitni um aldagamla trúfestu Maltverja, sem eru nánast allir kaþólikkar.
Varnargarðar og virki frá sextándu öld umlykja Grand Hotel Excelsior og ólífugarðana sem finna má á sjálfu hótel svæðinu. Hótelið býr yfir þeirri sérstöðu að vera eina fimm stjörnu hótelið á Möltu sem er umvafið sögulegum arkitektúr. Dvöl á hótelinu er einstakt tækifæri til að drekka í sig stórbrotna sögu eyjunnar samhliða því að hvílast í sannkölluðum lúxus. Stórkostlegt útsýni er frá hótelinu og meðal annars hægt að sjá Marsamxett höfnina og Manoel virkið. Marsamxett höfnin er önnur af tveimur náttúrulegum höfnum borgarinnar og er hún ætluð snekkjum, þar er einnig Msida smábátahöfnin. Grand Hotel Excelsior státar af eigin smábátahöfn þar sem gestum býðst að leggja snekkjum sínum. Hin árlega bátasýning eyjarinnar er einmitt haldin í þeirri höfn þar sem hún er afar glæsileg.
Manoel virkið er varnargarður á Manoel eyju sem er skammt frá Valletta, staðsetning eyjunnar gerir henni kleift að stýra innganginum að Marsamxett höfninni. Skurðir og veggir virkisins voru mótaðir úr bergi eyjunnar. Virkið var upphaflega byggt af Mölturiddurunum milli áranna 1723-1755 fyrir tilstilli hins portúgalska stórmeistara reglunnar, António Manoel de Vilhena. Lagt var í miklar endurbætur og viðgerðir á virkinu árið 2010 vegna skemmda sem á því urðu í seinni heimsstyrjöld, sem og af völdum tímans. Virkið hefur til dæmis verið notað sem tökustaður fyrir hina vinsælu Game of Thrones þætti.
Staðsetning hótelsins er frábær hvað varðar aðgengi að flestum ferðamannastöðum á eyjunum. Skammt frá hótelinu er aðal-stoppistöðin fyrir rútur og þaðan er hægt að ferðast til allra bæja og þorpa á eyjunni. Grand Hotel Excelsior býður upp á fjölbreyttar skoðunarferðir fyrir þá gesti sína sem vilja einkaferðir í smærri bílum. Að auki býður hótelið upp á ferðir frá hótelinu að miðbæ Valletta tvisvar á dag.
Grand Hotel Excelsior státar af glæsilegum herbergjum með stórkostlegu útsýni yfir hafið sem og á sundlaugarsvæðið sem erfitt er að finna annars staðar á Möltu. Frítt Wi-Fi er í móttöku hótelsins, sem og öllum almennum svæðum og herbergjum gesta. Herbergi okkar gesta eru standard herbergi og leitast við að öll herbergi séu snúi að sjó eða sundlaugasvæðinu.
La Sacra Infermeria - Veislustaður Galakvöldsins
La Sacra Infermeria - Veislustaður Galakvöldsins
La Sacra Infermeria - Veislustaður Galakvöldsins
Þessi 16. aldar bygging var áður sjúkrahús reglu spítalariddara heilags Jóhannesar af Jerúsalem, Ródos og Möltu eða eins og flestir þekkja sem Mölturiddarar, en í dag er nefnd Mediterranean Conference Denter og er eitt þekktasta kennileiti Valletta. Og hér í glæstum sölum þessa mikilfenglega virkis munum við njóta Galakvöldsins saman.
Stærð byggingarinnar samhliða umbreytingu hennar yfir í ráðstefnumiðstöð árið 1979 gerir hana að einstöku afreki á sviði arkitektúrs. Þær viðgerðir sem hafa átt sér stað á byggingunni hafa verið sérlega vel gerðar enda hlutu þær aðgerðir mikið lof fyrir nærgætnar og nýstárlegar aðferðir við þá vinnu sem leiddi til þess að hún fékk hin eftirsóknarverðu Europa Nostra verðlaun. Byggingin hlaut þau verðlaun fyrir árangursríka viðgerðarvinnu þar sem tókst að sameina hinn aldagamla ariktektúr við tækni nútímans.
La Valette salurinn er aðal veislusalurinn, nefndur í höfuðið á Jean Parisot de Valette sem var Stórmeistari þeirra frá 1557 -1568 en hann stjórnaði vörnum Möltu 1565. Þessi salur var áður þekktur undir nafninu La Sacra Infermeria og var upphaflega byggður af Mölturiddurunum sem sjúkrahús fyrir meðlimi reglunnar og íbúa eyjunnar auk ferðalanga í pílagrímsför eftir að stórmeistari reglunnar Jean de la Cassière lagði það til árið 1574. Byggingin er byggingarlistar-gersemi svo vægt sé til orða tekið, íburðarmikið hvolfþakið spannar heila 155 metra, sem er lengd rýmisins. Loftið er um 11 metra hátt og hvelfingin rétt rúmlega 1ö metrar á breidd. Þetta gerði það að verkum að salurinn var einn sá stærsti í Evrópu á sínum tíma.
Það er vissulega hrífandi tilhugsun að setjast hérna niður í hópi bræðra og systra, njóta ljúffengra veitinga og einstakrar dagskrár, í sama rými þar sem Mölturiddarar fortíðarinnar störfuðu og lifðu.
19:00 - Farið af stað í Gala kvöldverð klukkan stundvíslega frá hótelinu í rútum að Mediterranean Conference Center - La Sacra Infermeria.
Veislu- og dagskrárstjórn er í höndum Snorra Magnússonar Stallara Reglunnar og br. Egils Arnar Arnarsonar Hansen Siðameistara Landsstúkunnar.
Bræður klæðist kjólfötum með hvítu veisluvesti og systur í kjólum en ekki er gerð krafa um síðkjóla. Athugið að skv. reglum þar um er óheimilt að bera Frímúraramerki (stúkumerki, heiðursmerki og önnur slík einkenni Reglunnar á samkomum sem ekki eru á vegum Reglunnar).
Niðurröðun á borð er unnin sérstaklega og brr. hvattir til að senda tölvupóst á br. Jón Þorstein á netfangið nonni.sig@500kallinn.is hafi þeir sérstakar óskir um borðfélaga. Reynt verður til þrautar að mæta öllum óskum um slíkt.
Eftir veisluhöldin er akstur í boði aftur á hótelið og þá áætlað að brottför sé 23.10og komið á hótel um miðnættið. Þeir bræður og systur sem það kjósa geta líkað sleppt akstri aftur á hótel og haldið inn í sjarmerandi og lifandi næturlíf borgarinnar.
Meridiana Wine Estate
Meridiana Wine Estate
Meridiana Wine Estate hefur verið fremst í flokki í vínframleiðslu á Möltu og sinnt hlutverki brautryðjanda hvað það varðar. Þrúgurnar sem þau nota eru eingöngu ræktuð í Maltneskum jarðveg og vínin vakið mikla lukku á alþjóðlegum vettvangi. Vínekrurnar eru staðsettar í Ta’ Qali, í hjarta Maltneska landbúnaðarsvæðisins. Þau státa af um 91.000 vínviðum sem voru gróðursett árin 1994 og 1995 og í dag eru framleiddar um 140.000 úrvals vínflöskur árlega.
Hálfsdagsferð þar sem komið verður við í Mosta sem er lítill bær á Möltu þar sem ein þekktasta kirkja eyjunnar er að finna sem er kölluð í dag Kraftaverka kirkjan þar sem í seinni heimsstyrjöld var varpað sprengju á kirkjunar sem síðan sprakk ekki en í kirkjunni voru þá um 1.000 manns, flestir konur og börn. Þá heimsókn á þessa vínekru þar sem í boði verður að smakka og kaupa vín, beint frá bónda. Geta bræður bókað sig í ferðina hér að neðan. Tími ferðar er frá kl 10:00 til 14:00
Verð á einstakling: 12.900
Ferð í boði
24. Maí 2024 milli kl. 10:00 til 14:00
Mdina - The Silent City
Mdina - The Silent City
Mdina, sem gengur undir nafninu The Silent City, situr efst á hæð með útsýni yfir marga af bæjunum umhverfis hana. Þessi smáa borg er óvenjuleg blanda af miðaldar borgarvirki og barokk-byggingarlist.
Forðum daga bjuggu þar aðallega fjölskyldur af aðalsættum og mörg heimilin hér hafa erfst í margar kynslóðir og er búseta í þeim enn tengd við auðæfi. Þessi híbýli eru jafnan gríðarstór að innan en lítilfjörlegir inngangar blekkja augað áður en inn er komið. Gælunafnið fékk borgin sökum hljóðlátra stræta hennar og strangra laga um notkun bifreiða, þessi fjarvera vélarhljóða getur jafnvel gert gestum kleift að ímynda sér að þeir hafi ferðast aftur í tíma.
Inngangurinn að borginni heitir Mdina Gate eða Vilhena Gate. Hliðið var hannað í barokk stíl af hinum franska arkítekt og hernaðarverkfræðing Charles François de Mondion sem tilheyrði reglu Mölturiddaranna. Nafn hliðsins var valið til heiðurs stórmeistara reglunnar, António Manoel de Vilhena.
Innifalið í verði ferðar er aðgangur að dómkirkjunni og hinu glæsilega safni borgarinnar.
Verð: 10.600
Dagsferðir í boði
19. Maí 2024 milli kl. 10:00 til 14:00
21. Maí 2024 milli kl. 10:00 til 14:00
22. Maí 2024 milli kl. 10:00 til 14:00
Ferðalýsing bræðra og systra til Edinborgar
Þessi 16. aldar bygging var áður sjúkrahús reglu spítalariddara heilags Jóhannesar af Jerúsalem, Ródos og Möltu eða betur þekkt sem Mölturiddarar, en í dag er nefnd Mediterranean Conference Denter og er eitt þekktasta kennileiti Valletta. Og hér í glæstum sölum þessa mikilfenglega virkis munum við njóta Galakvöldsins saman.
Ferðalýsing bræðra og systra til Edinborgar
#14.október#
##Við hefjum ferð okkar með leiguflugi sem byrjar í Keflavík fyrir þá bræður og systur sem búa syðra. Flugnúmer verða birt síðar .
Brottför frá Keflavík er klukkan 09:15 og komið til Akureyrar um 10:00.
Brottför frá Akureyri er svo klukkan 11:00 og áætluð lending úti í Edinborg um klukkan 15:25
Við komu ytra bíða okkur rútur sem keyra okkur á hótelið okkar.
Eftir að farþegar hafa innritað sig á herbergi og komið aftur niður í anddyri verður hópnum skipt í tvennt og þá fer fyrri hópurinn í skoðunarferð um borgina og þaðan ekið til Rosslyn kapellu sem er einstök kirkja með sögulega og mikla tengingu í okkur. Þar fáum við frímúrara sem fer með okkur um kirkjuna og segir okkur hennar sögu og með hvaða hætti hún tengist sögu frímúrara. Eftir skoðun þar er farið í stúkuhúsið hjá frímúrarastúkunni í Rosslyn þar sem við fáum léttar veitingar áður en ekið er aftur á hótelið.
Seinni hópurinn leggur af stað á sama tíma og sá fyrri en byrjar sitt prógram í Rosslyn kapellu og klárar með skoðunarferðinni um borgina áður en haldið er á hótelið.
ATH. Ferðanefndin getur þurft að færa til skoðunarferðir vegna fjölda, endanlegs komutíma til Edinborgar og flr. en nákvæm tímasetning og fyrirkomulag ásamt verði verður sent út til allra sem skrá sig í ferðina síðar.##
# 15.október#
##Í dag gefst þeim bræðrum og systrum sem það kjósa kostur á að fara í skoðunarferð um frímúrarahúsið í Edinborg og er þá lagt af stað klukkan 10:00 frá hótelinu og áætlað að skoðunarferðin taki í það heila um 2 klst. Farþegar sem fara í þessa ferð sjá sjálfir um að koma sér tilbaka á hótel en geta nýtt tækifærið og rölt aðeins um borgina áður en haldið er aftur heim á hótelið. Ferðanefndin á eftir að fá formlega staðfestingu á tímasetningu hjá frímúrarahúsinu ytra og lætur vita gerist þess þörf.
Klukkan 18:00 eiga bræður og systur að vera klár í anddyri hótelsins en þá hefjum við okkar prógram fyrir Gala kvöldið okkar.
Bræður klæði sig í kjólföt en séu í hvítu veisluvesti. Bræður eru minntir á að ekki skal bera nein einkenni, stigsmerki eða annað á þessu kvöldi. Systur klæðist ef mögulegt í kjól en ekki er gerð krafa um síðkjóla.
(Gala) Veislukvöldið verður haldið á völdum stað ( upplýsingar og verð birt síðar ) og er ekið þangað í rútu.
Fordykkur við komu á veislustað
Vegleg dagskrá með þríréttaðri máltíð ásamt 1/2 drykkjarpakka en umfram drykki er hægt að kaupa sérstaklega og greiða með korti.
Áætluð dagskrárlok eru klukkan 23:30##
Frímúrarafundur 16. október
Meridiana Wine Estate hefur verið fremst í flokki í vínframleiðslu á Möltu og sinnt hlutverki brautryðjanda hvað það varðar.
Frímúrarafundur 16. október
Frímúrarafundurinn er á 1°gráðu í stúkunni Lodge Coupar o' Fife 19 sem er í sirka 1,15 klst akstri frá hótelinu.
Stúkan sem við sækjum heim er en elsta starfandi stúka Skotlands sem rekur sögu sína allt til ársins 1736 og starfar í húsinu þeirra sem var tekið í notkun árið 1811. Starfandi Stm. stúkunnar er br. William Duncan McCartney (Right Worshipful Master).
Bræður klæðist líkt og á fyrstu gráðu fundi heima þ.m.t hattur og hanskar en sverð eru ekki leyfð með í fluginu út og stefnt að því að stúkan ytra leggi þau til ef hægt er.
Standandi léttar veitingar í stað hefðbundinnar bróðurmáltíðar sem skoska stúkan býður upp á. Í samskoti til hinna bágstöddu gefur hver og einn eftir efni og aðstæðum. Við borðhald selur stúkan, skv hefð, lotterí miða en tekjur af því fara í viðhalds og framkvæmdarsjóð stúkunnar og kostar hver miði eitt pund og almennt að brr. kaupi þá 5, 10, 15 eða flr miða. Bar verður við máltíð og bæði hægt að greiða þar með reiðufé eða korti. Gosdrykkir kosta um 1,5 pund, bjór 3 - 3,5 pund og sterkir drykkir svipað. Ferðanefndin hvetur brr. til þess að hafa með sér um 40 - 50 bresk pund til að eiga gott kvöld með allri þátttöku.
Heimilisfang
72 Bonnygate, Cupar, KY15 4LB, Skotland
Vefsíða stúkunnar | Akstursleið milli hótels og stúku
Mount Royal Hotel Edinburgh
Mdina, sem gengur undir nafninu The Silent City, situr efst á hæð með útsýni yfir marga af bæjunum umhverfis hana. Þessi smáa borg er óvenjuleg blanda af miðaldar borgarvirki og barokk-byggingarlist.
Mount Royal Hotel Edinburgh
Mount Royal Hotel Edinburgh hótelið er staðsett við Princes Street götuna í Edinborg í göngufjarlægð frá mörgum helstu kennileitum borgarinnar eins og Waverley Station, Edinborgarkastala og the Royal Mile.
Á hótelinu er 24 klst móttaka, öryggishólf á öllum herbergjum, frítt internet, þvotta þjónusta / hreinsun, herbergisþjónusta, bar og veitingastaður.
Þetta hótel hefur í gegnum árin verið mikið notað af íslenskum bræðrum og systrum sem hafa sótt borgina heim.
Hótelið hefur nýverið verið endurnýjað að miklu leyti.
Vefur Hótelsins | Staðsetning Hótelsins
